Një 27-vjeçar mbeti i plagosur me thikë pak orë pas mesnate.
Burime për mediat nga policia bënë me dije se ai ishte qëlluar nga vëllai i tij 20 vjeç, i cili është arrestuar. Lidhur me ngjarjen u raportua se shkak ishte berë alarmi i telefonit, që 27-vjeçari kishte vendosur për t’u ngritur që ta hante syfyr. Kjo duket se kishte shqetësuar vëllain e vogël, i cili e ka qëlluar me thikë.
Mirëpo, Bernard Oruçi, 27-vjeçari i plagosur ka folur për JOQ ALBANIA. Ai ka thënë se është e vërtetë që është ngritur për syfyr, por nuk e ka qëlluar vëllai. Sipas tij, ai vetëm e ka shtyrë, ndërsa 27-vjeçari ka rënë mbi mbajtësen e enëve ku ishte edhe thika.
Bernardi shkruan:
Une jam personi qe jam plagosur dhe e gjitha kjo ka ndodhur ne menyre aksidentale. Jam rrezuar mbi mbajtesen eneve ku aty ka qene dhe thika. Kjo eshte dje deklarata qe kam dhene po mesa po shof lajmi eshte ekzagjeruar. Po e vertet ka qene ora 3-3:30, isha ngritur për syfyr. Une ju kam thene ne menyre aksidentale. Vëllai është arrestuar, pasi më ka shtyrë pa dashje, jo me qëllim.
