Artan Hoxha kërkon lekët mbrapsht nga mediat: “Keni marrë 3 mln euro për t’u bërë reklamë inceneratorëve”

Meqë kjo historia e inceneratorëve po i hap ndonjë petë korru.psionit qeveritar, si i bëhet hallit që ky SPAK-u të nisë një hetim për të gjitha mediat dhe gazetarët, të cilët janë paguar “majmërisht” për t’i bërë marketing?

Në fund të fundit do thoni ju, ato pare korru.psioni janë, pse i kanë shpërndare lart e poshtë nuk kanë bërë ndonjë dëm të madh!!! Në fakt këtu është problemi. Duke blerë median, ato para të plehrave kanë bërë një dëm akoma më të madh.

Ato nuk janë thjeshtë para të vjedhura, që kanë blerë median për fshehur të vërtetën, ato janë paratë e taksave tona, paratë e popullit shqiptar dhe duhet t’i kthehen kokërr më kokërr, kushdo qoftë kodoshi mediatik që i ka përfituar. Nga një llogari e thjeshtë rezulton se me aq financime televizionesh, gazetash, portalesh apo gazetarësh, të cilët kanë përfituar, më rezulton se nuk janë pak.

Përkundrazi, në total i kalojnë nja 3 milionë euro. Por kam bindjen se ka ende shumë pagesa që nuk i kemi zbuluar…. Justifikimi është se kanë bërë reklamë! I kanë bërë reklamë kujt?!I kanë bërë gjoja reklamë një kompanie koncensionare, e cila nuk kishte asnjë rival në treg. Kjo nuk është reklame, kjo është blerje e qartë si kristali e pushtetit të katërt.

Ne tashmë i njohim, cilat janë mediat dhe gazetarët që u blenë, sidomos para dhe gjatë fushatës elektorale për zgjedhjet parlamentare 2021. Por ata nuk mund të bëjnë sikur nuk ka ndodhur asgjë.Nëse duan t’i kthejnë besimin publikut, duhet të zgjedhin. Ose t’i kthejnë publikut paratë e korru.psionit që përfituan si pagesa reklamash nga mafia e plehrave ose t’i shijojnë ato miliona dhe të jenë po aq përgjegjës sa ata që i korruptuan.

Nëse zyrtarët e lartë apo të ulët shkojnë në qeli sepse kanë përfituar nga paratë e inceneratorëve, pse mediat “dashamirëse” ndaj qeverisë, pronarët, analistet apo gazetarët që na shesin moral çdo ditë, të mos mbajnë përgjegjësi për dhuratat e majme që kanë marrë nga bosët e plehrave?!

Nëse nuk mund të hetohen, nuk ka asnjë pengesë ligjore, të detyrohen të kthejnë mbrapsht çdo qindarkë që kanë përfituar… Në fund të fundit, ato para nga plehrat, që kanë blerë median, janë para të vjedhura nga taksat e qytetarëve më të varfër të Europës.

- Publicitet -

TE TJERA

spot_img