Një parakalim i gabuar dhe lagështira në rrugë, shkaktuan aksidentin tragjik pasditen e sotme në aksin Milot-Rubik, si pasojë e të cilit humbën jetën babë e bir.
Fax raporton se në automjetin tip “Benz” që bëri parakalimin e gabuar, ndodhej 26-vjeçari nga Tropoja Arlind Mihaj.
Benzi u përplas me mjetin “Opel” ku ndodhej 33-vjeçari Shkurt Prenga bashkë me të shoqen dhe fëmijën vetëm 3 vjeç.
Babai dhe fëmija ndërruan jetë, ndërsa nëna ndodhet në gjendje të rëndë shëndetësore. Po ashtu në gjendje kritike është dhe 26-vjeçari Mihaj.