Ish-kryeministri Sali Berisha ka bërë një deklaratë të fortë mbrëmjen e sotme, pasi u shpreh se superskandali i të dhënave të rrogave të qytetarëve është publikuar pas takimit të Lulzim Bashës me Taulant Ballën.
Ai u shpreh se Basha u takua me Ballën dhge Veliajn, teksa e quajti këtë takim të ngjashëm me atë të “ngjalave të Lalëzit”, kur kryeministri Rama bëri marrëveshje me Ilir Metën, ndërsa shtoi se tashmë kemi të bëjmë me një konglomerat mes tyre.
“Çfarë ishte darka në qilime me Erjon Velijan dhe me Taulant Ballën? Irfanin e la e ëma, ndjesë pastë, dhe ai i shprehu ngushëllime. Ky tani shkoi në darkë me Ballën dhe Veliajn, si mund të ndodhi kjo? Kjo është histori si ajo e ngjalave të Lalëzit.
A kemi të bëjmë me një konglomerat, bashkëpunim kompleks të tyre. Superskandali i madh doli pas asaj darke, të dhënat dolën pas darkës”, u shpreh Berisha në emisionin “Të paekspozuarit”.
