Sali Berisha i ka kthyer përgjigje deklaratës së Lulzim Bashës, i cili një ditë më parë tha se Berisha “nuk ka lënë kryetar partie pa i thyer dhëmbët”. Berisha u shpreh se një person që bën një deklaratë të tillë, pështyn mbi veten.
Blendi Fevziu: Lulzim Basha ka thënë dje që nuk keni lënë kryetar partie pa i thyer dhëmbët. Po kështu ka thënë, me përjashtim të Bashës, kuptohet.
Sali Berisha: Një deklaratë të tillë të turpshme nuk e bënte dot as i ndjeri që ti e di se kush është se nuk më shkon të përmend një njeri që nuk është më. As Namik Hoti nuk e bënte një gjë të tillë. Një njeri që bën një deklaratë të tillë pështyn mbi veten e tij.
Ndërkohë moderatori insistoi duke e pyetur Berishën për deklaratën e Bashës për 21 Janarin.
Blendi Fevziu: Ka qenë Ministër i Brendshëm dhe kur ai ju akuzon ju lë të kuptohet që ju keni përgjegjësi për vrasjen. Ai o di diçka o është çmendur, një nga të dyja është.
Sali Berisha: Ministri i Brendshëm është bërë tani skllav i Edi Ramës dhe tregon narrativen e tij.
