Te “E Diela Shqiptare”, përballë Eni Çobanit, nënë e bir debatojnë për marrëdhënien që nëna ka nisur me një burrë më të ri në moshë.
I biri nuk është dakord me lidhjen që ka krijuar e ëma me këtë burrë sepse thotë që burri është më i vogël se nëna e tij dhe tallet me të.
Nga ana tjetër, e ëma, me tone pak të ndezura i drejtohet duke i thënë se boll ndenji vetëm sa e rriti dhe se nuk do që ta kalojë më jetën vetëm. I biri insiston t’i shpjegojë që nuk është njeriu i duhur por e ëma i kthehet me fjalët “ku di gjë ti.”
Të bën për të qeshur mes këtij debati, një fjali e gruas: “atje e gjeta ngroftësirën” duke dashur ndoshta të thotë “te ai e gjeta ngrohtësinë”, për partnerin e saj.
I urojmë zonjës shumë ngrohtësi dhe djalit shumë durim me të jëmën e vet dhe shumë qetësi.