Policia e Shkodrës ka arrestuar 8 persona dhe ka shpallur në kërkim 3 të tjerë pas operacionit të koduar “North Forex”, në një prej call center-ave në qytet.
Personat e arrestuar dhe ata në kërkim janë nën akuzë për mashtrim me anë të platformave dhe programeve kompjuterike. Burimet thanë se përmes mashtrimit kompjuterik ata u shkaktonin dëm shtetasve të huaj, kryesisht atyre gjermanë dhe spanjollë.
Në pranga ranë të rinjtë me inicialet: E. K., 22 vjeçe, O. Sh., 20 vjeçe, A. B., 30 vjeçe, S. A., 21 vjeçe, S. A., 24 vjeçe, E. O., 29 vjeç, N. T., 26 vjeç dhe Y. D., 27 vjeçe.
Gjithashtu është shpallur në kërkim shtetasi polak Pawel Wziontek 27 vjeç, i cili ishte pronari i call-cener-it. Në kërkim janë edhe Alma Sokoli 21 vjeç, (bashkëjetuesja e tij) dhe Klodian Memo, 38-vjeç.
Burime zyrtarë bëjnë me dije se arrestimet janë kryer pas denoncimeve nga shtetas të huaj se ishin mashtruar përmes platformave të ndryshe online nga ky call-center.
Policia tha se “vijon puna për evidentimin e të gjitha subjekteve call-center që ushtrojnë aktivitetin e tyre në mënyrë të paligjshme me anë të mashtrimeve kompjuterike, brenda dhe jashtë vendit”.
/News31