Pas 36 vitesh punë si infermiere, një grua nga Kentucky, SHBA fitoi një ‘jackpot’ prej 200 mijë dollarësh në të njëjtën ditë kur doli në pension.
“Ishte e pabesueshme,” tha ajo në një njoftim për shtyp.
“Unë sapo kisha dalë në pension atë ditë. E pashë këtë si një shenjë se duhej të lija punën.”
Zyrtarët e Lotarisë në Kentucky thanë se gruaja, e cila kërkoi të mbetej anonime, bleu biletën 10 dollarëshe në një dyqan në Prestonburg, në pjesën lindore të shtetit.
Fituesja i tha zyrtarëve të lotarisë se dy vitet e fundit të karrierës së saj të infermierisë i kaloi duke u marrë me pandeminë Covid-19.
Fituesja udhëtoi tre orë me makinë për në selinë e lotarisë në Louisville javën e kaluar për të marrë çmimin e saj, i cili pas taksave mbeti 142,000 dollarë, shkruan CNN.