Sejfulla Mytari, aktori i mirënjohur i humorit shqiptar, i njohur si Cekja i Berait, ka qenë në limuzinën e ‘Glamour Zone’, me moderatoren Ester Bylyku, ku ka ndarë historitë më të bukura dhe gazmore të karrierës së tij,
Që nga skenat e xhelozisë, te martesa e tij dhe së fundmi, dhuratën nga Kryeministri Edi Rama, të cilën e keqkuptoi në momentin e parë që e pa.
Ester: Cila është dhurata më e bukur dhe më e shtrenjtë që të kanë bërë?
Cekja: Më dërgoi njëherë Kryeministri një dhuratë, ishte në një kuti të bukur. U gëzova unë, oooo thash, më ka sjellë lekë.
Ester: Mos më thuaj që të kishte sjellë një shishe verë. (qesh) Cekja: Po, atë më kishte sjellë.
Po kur e pashë kutinë në fillim, e bukur e madhe, u gëzova shumë (qesh). Megjithatë e vlerësoj dhuratën, për mua rëndësi ka gjesti dhe ishte shumë e bukur”, deklaroi aktori i humorit.