(Video) Malësi e Madhe, Reçi fshati turistik i Shqipërisë Rurale

117

Malësi e Madhe, është emri i rajonit më verior të Shqipërisë, një zonë e vendosur në veri të Shkodrës.

 

Një vend i egër, i largët dhe autentik që nuk shfaqet kurrë në udhëzuesit turistikë dhe blogjet e udhëtimit. Megjithatë, Malësi e Madhe është destinacioni ideal për ata që, të lodhur nga kaosi i qytetit duan të pushojnë dhe të kalojnë disa orë ose ditë të rrethuara vetëm nga natyra.

Reç, fshati i vogël turistik

Fshati Këtu, midis fushave të lavandulës dhe sherebelës, pyjeve të gështenjës dhe maleve madhështore, ndodhet fshati i vogël i Reçit. Çdo vjeshtë, pret “Ditën e Agroturizmit”, që është një festival i organizuar ndër të tjera nga AgroTourism Albania. Një projekt i mbështetur nga USAID, CEED dhe Ambasada Suedeze në Tiranë.

 

Për një ditë të plotë, banorët e Shkodrës, fshatrat fqinje dhe disa vizitorë kurioz takohen në Pyllin e shkëlqyer të Gështenjës së Reçit. Ky i fundit është një monument natyror shqiptar pjesë e Parkut të Madh Kombëtar Shkrel. Këtu marrin pjesë në vallet tradicionale tipike për veriun e Shqipërisë dheblejnë produkte të shitura nga fermerët vendas, përfshirë mjaltin, reçelet dhe kompostot, frutat e freskëta sezonale siç janë hurmat, shegët dhe gështenjat.
Aktivitete në Ditën e Agroturizmit

 

Pasi të bëni disa blerje gastronomike dhe të kërceni vallet tradicionale, hani drekë dhe kaloni disa orë në relaks total tek Rruga e Mullirit. Një nga gjashtë fermat që përfitonte nga projekti i mbështetur nga CEED Albania, që ndodhet rreth një km larg pyllit të gështenjës së Reçit.

 

Shtëpia e Pritjes së Fermës, e re dhe e mobiluar në dru, është shumë e vogël dhe e rehatshme. Ka tre dhoma dhe gjithsej gjashtë shtretër me banjë të përbashkët, së cilës i shtohet një strukturë e shkëputur që përdoret si dhomë për mëngjes, drekë dhe darkë.
Çfarë të bëni në verë?

Lexo edhe:   Vermoshi, atje ku ka më shumë turistë sesa vendalinj

 

Gjatë verës, mund të hani në oborrin para Shtëpisë së Fermës, të rrethuar me pemë, lule dhe bimë. Mund të udhëtoni edhe me bicikletë nëpër rrugica. Mund të shijoni ushqime të ndryshme.

 

Pronari përgatit një ushqim origjinal të mahnitshëm të bërë me përbërës ekskluzivisht vendas dhe sezonal: byrek me spinaq dhe gjizë (ricotta e kripur tipike për Shqipërinë), petulla, konmposto të kumbullave, djathrat e dhive, lëng shege, ëmbëlsira të këndshme etj. Këto janë vetëm disa nga specialitetet që mund të gjenden në Rruga dhe Mullirit.

 

Në një sfond të rrethuar nga malet, ushqimet bio e të freskëta, natyrës mbresëlënëse dhe ajrit të pastër e plot oksigjen, nuk keni si të mos e vizitoni një herë të vetme këtë zonë.

 

 

 

Flogerta Driza