Kur Shqipëria nisi fushatën e vaksinimit me dozat anti-COVID të kompanisë “Pfizer”, nuk u zbulua shteti që na dhuroi vaksinat. Të fshehtën e zbuloi vetë kryeministri Rama ditën e sotme në Asamblenë e Përgjithshme të OKB-së.
Në fjalën e tij kryeministri Rama falenderoi shtetin e Turqisë.
“I detyrohem një falenderim nga zemra atyre që na ndihmuan. Turqinë, që bëri të mundur dozat e nevojshme për të nisur vaksinimin.
Komisionin Europian, Italinë, Greqinë e të tjerat që na u gjendën me dhurimet e tyre me vaksina. Le t’i kujtojmë vetes se e ardhmja jonë formësohet nga mënyra se si ne bashkëpunojmë”, tha Rama.