Deputeti demokrat i Lushnjes, Saimir Korreshi ka publikuar foto të disa serave në këtë qytet që janë shkatërruar nga furtuna duke shkaktuar kështu dëme të mëdha.
Përmes një postimi në rrjetet sociale ai i bën thirrje ministres së Bujqësisë, Frida Krifcës që të heqë takat dhe të veshë çizmet e llastikut për të vizituar nga afër këto sera.
“AZHBR sot paska nxjerre reklam nga nje serë se sindihmon fermeret dhe se çdo gje ne bujqesi shkon fjollë e se do hamë me lug floriri. Keto pamje jane te nje tjeter fermeri qe fortuna e disa diteve me pare ja uli ne toke 4,2 dy sere.
Mundi e djersa po ashtu edhe te gjitha kursimet te shkuara dem.
AZHBR ka ndonje fjale per kete rast e per shume e shume te tjere ?? Apo vetem me tesera te PS??
A e di AZHBR se njerezit kane braktisur serat si pasoje e rritjes se kostos se prodhimit si pasoje e rritjes ne 100% te plehrave kimik vetem ne vitin e fundit, e rritjes se fidaneve e mungeses se fuqise punetore dhe me kryesorja mungeses se tregut.
Shoqa Ministre e Bujqesise te ftoj nje dite te veshesh çizmet e llastikut e te heqesh takat e bashke me mua te vizitosh realitetin. Te shkojme tek serat e njerezve punetore te shohesh se si eshte situata reale.
P.s. do te te shpie te fermere me bindje te majte”, shkruan deputeti.
Kujtojmë që Korreshi u përfol shumë për fjalën e mbajtur në Parlament javën e shkuar. Fjalimi i tij shkaktoi të qeshura tek disa deputetë duke përshirë këtu edhe kreun e PD, Lulzim Basha.
