Burime ekskluzive për Top Channel kanë zbardhur një pjesë nga debati i bujshëm të Lulzim Bashës dhe Flamur Nokës.
Duket se debatet e ashpra kanë detyruar kryedemokratin të qëndrojë i prerë në vendimin e tij për Sali Berishën, duke theksuar edhe një herë tjetër se bëhet fjalë për një vendim që vjen me urgjencë nga Amerika.
“Vendimi për Sali Berishën, nuk ka më kthim pas. Pastaj ka një keq-lexim që bëhet ose interpretohet në media. Doktori nuk është përjashtuar përfundimisht, nuk është linçuar. Ndaj tij janë thënë fjalët më të mira. Por siç ka deklaruar edhe vetë ai, do të ndjekë procesin gjyqësor.
Derisa e vërteta të dalë në shesh, do të qëndroj jashtë grupit. Ai nuk është përjashtuar as nga strukturat që të ishte nevoja për mbledhjen e organeve të PD”. -shkruhet të ketë thënë Basha.