Pezullohen afërsisht 6 mijë punonjës të pavaksinuar të kujdesit shëndetësor

113

Greqia nuk ka toleruar aspak punonjësit e kujdesit shëndetësor të cilët vendosën të mos e merrnin vaksinën kundra virusit. 5 mijë e 895 mjekë, infermierë dhe punonjës të spitaleve janë pezulluar në ditën që vendimi ka hyrë në fuqi.

 

Këta të fundit kërkuan në Gjykatën Administrative ndaljen e vendimit të qeverisë, mirëpo kjo nuk ndodhi. Beteja tanimë do të vijojë në gjyqin e 8 tetorit.

 

Ky ultimatum ishte dhënë prej shumë kohësh nga qeveria e Mitsotakis dhe janë pezulluar punonjësit të cilët nuk kanë marrë asnjë dozë të vaksinës. Përplasja midis qeverisë dhe punonjësve që nuk duan të bëjnë vaksinën ka shkaktuar protesta të shumta në Selanik e Athinë.