Zv.kryeministri ende në detyrë Erion Braçe, ka paralajmëruar se vaksinimi do të bëhet i detyrueshëm edhe për punonjësit e administratës shtetërore.
Ky reagim i tij vjen pas vendimit për masa të reja të Komitetit Teknik të Ekspertëve si dhe deklaratës së tyre se mësuesit, mjekët dhe studentët duhet të vaksinohen patjetër pas 30 shtatorit, ose duhet të paraqesin periodikisht një test PCR negativ për tu paraqitur në punë.
Braçe thekson se “cilido qe eshte ne marredhenie me shtetin, nepunes, nepunes ne sherbime masive per qytetaret etj, duhet të vaksinohet! E ka detyrim”.