Ekipi i Bayern Munich ka njoftuar se sot në moshën 75 vjeçare ka ndërruar jetë legjenda e futbollit, Gerd Muller, shkruan Insporti.
Müller bëri histori me kampionët rekordë gjermanë dhe ekipin kombëtar gjerman.Ai shënoi gjithsej 566 gola të pabesueshëm në 607 ndeshje konkurruese për FC Bayern dhe vendosi rekordin e paparë prej 365 golash në Bundesliga.
“Bomberi i kombit”, i cili erdhi në FC Bayern në verën e vitit 1964, fitoi një herë Kupën e Botës, tri herë Kupën e Kampionëve Evropian dhe një herë Kupën Evropiane. Ai ishte gjithashtu katër herë kampion i Gjermanisë dhe katër herë fitues i Kupës DFB.
Me ekipin kombëtar ai u bë kampion evropian në 1972 dhe kampion bote në 1974, duke shënuar golin e fitores në finalen në Mynih kundër Holandës.
Pas karrierës së tij, ai qëndroi me klubin për një kohë të gjatë si trajner për fushën e të rinjve. Ai lë pas gruan e tij Uschi dhe një vajzë.” -shkruhej në njoftimin e Bayernit.