Nusja i gjëmën bën ish-vjehrrës së saj. I futet në shtëpi dhe e…

146

Një 30-vjeçare është shpallur në kërkim në Durrës. Mësohet se e reja është futur me forcë në banesën e ish-vjehrrës dhe e ka goditur me sende të forta. Mësohet se e moshuara kishte urdhër mbrojtje ndaj ish nuses së saj.

“Specialistët për Hetimin e Krimeve në Komisariatin e Policisë Durrës bënë shpalljen në kërkim të shtetases K. M., 30 vjeçe, banuese në Armadhë, Durrës, pasi në kundërshtim me vendimin e Gjykatës është futur me forcë në banesën e ish-vjehrrës së saj dhe e ka goditur atë me sende të forta”, njoftoi policia.

E plagosura ndodhet në spital nën kujdesin e mjekëve dhe është jashtë rrezikut për jetën. Materialet i kaluan Prokurorisë së Rrethit Gjyqësor Durrës, për veprime të mëtejshme.