Gazetari Erl Murati paralajmëron lëvizje surprizë të kryeministrit Rama në qeverinë e re në shtator. Ai u shpreh se do të ketë prurje interesante, ose të papritura. Sipas tij në qeverinë ‘Rama 3’ mund të kemi individë që nuk kanë patur karrierë politike apo në PS.
Pjesë nga intervista:
Pyetja: Çfarë do të kemi në shtator?
Murati: Besoj do të kemi qeveri të vazhdimësisë, nuk besoj se do të ketë një qeveri që do të reflektojë më pas ndryshime në administratë. Mund të kemi prurje interesante, ose të papritura. Besoj do të ndodhë se Rama i ka dhënë provat. Në 2017 ishin të tjerë njerëz që udhëhoqën fushatë dhe në qeveri u futën njerëz që ekzistencën e tyre e morën vesh ditën kur u emëruan, si Cakaj apo Shahini.
Mund të kenë qënë nga pikëpamja teknike funksionarë shumë të mirë, por nga pikëpamja politike nuk kishin lidhje me PS. Pra në Rama 3 mund të kemi individë që nuk kanë patur karrierë politike apo në PS. Sa i përket opozitës, mbetet detyra për të dhënë alternativë të re, për të sfiduar qeverisjen. S’mund të presim që Rama 3 të sfidojë Rama 2.
S’mund të presim vision të ri nga një kryeministër që ka 8 vite që qeveris. Shoh që ka nëj analizë të munguar në opozitë për faktorët që ndikuan në humbjen e saj në 25 prill. E dimë që dy shkaqe ishin bojkotimi i zgjedhjeve lokale dhe djegia e mandateve që solli ndryshimin e kushtetutës. Këtë duhet të diskutojë opozita. Ka një analizë të munguar në opozitë, nëse do të bësh një analizë atëhere do të godasësh menjëherë lidershipin e PD dhe ngelesh jashtë.
Ka një lloj paradoksi, nëse shohim 2 partitë kryesore 15 vite më parë, mbaj mend që ka patur njerëz që janë larguar nga ajo parti. Në kampin e PS aty ka qenë akoma më e emancipua dhe dramatike. Besoj ky është problem, demokracia eb rendshme në PS dhe PD, demokracia ka bërë hapa pas.
Në PD duket që ka një klimë disfatiste. S’mund të flas me terma rithemelimi apo revolucioni, por opozita ka shansin për tu shfaqur si alternativë, ndryshe nuk e shoh shumë pozitive të ardhmen për kampin e opozitës.
