“Ndaj mendime të ndryshme me Bashën”, Kadilli nxjerr prapaskenat nga mbledhja e Kryesisë së Partisë Demokratike

97

Ish-kandidati për kreun e PD-së, Fatbardh Kadilli në një prononcim për mediat pas përfundimit të mbledhjes së Kryesisë, u shpreh se diskutuan edhe propozimet e tij për ndryshimet në statut, por u gjykuan të parakohshme.

 

Më tej ai tha se ka pasur mendime të kundërta me kryetarin e PD, Lulzim Basha, sa i përket rolit të kryetarit të partisë.

 

“Jemi ende në kohë për të shfrytëzuar Kuvendin Kombëtar për të denoncuar të keqen, por edhe për të parë me përgjegjshmëri, për ta bërë këtë parti të pastër, të hapur dhe konkurruese, ndryshimet e propozuara nga unë, u diskutuan, u gjykuan të parakohshme.

 

Opinioni më dashamirës, por me kryetarin Basha ndajmë koncepte të ndryshme për rolin e kryetarit të partisë. Uroj që Kuvendi Kombëtar të kuvendojë që të ndryshojmë veten tonë, të jemi më të hapur për një proces bashkëbisedimi për të mundur Edi Ramën dhe për të mundur të keqen e shqiptarëve”- u shpreh Kadilli.