Ndalimi i muzikës në klube, bare dhe restorante ka detyruar 200 izraelitë të gjenin zgjidhjen!
Të enjten e kaluar, një dasmë e çuditshme u zhvillua në ishullin e Mykonosit. Çifti kishte ëndërruar prej kohësh që ceremoninë e lidhjes së kurorës ta bënin në ishullin përrallor grek, e ashtu bënë!
Të gjithë të ftuarit po kërcenin dhe bërtisnin pas ritmeve të muzikës, ndërsa kishin zgjedhur një mënyrë tejet inovatore për të dëgjuar tingujt: kufjet!
Të pajisur të gjithë me kufje me bluetooth, të ftuarit vijuan festën si normalisht për të respektuar kështu rregullin e shtetit fqinjë; atë të ndalimit të muzikës.
Vlen për t’u theksuar se të gjithë, çifti dhe mysafirët, ishin vaksinuar plotësisht dhe vinin nga Izraeli me certifikatën e nevojshme. Por vendosën që të bënin një sakrificë që mesa duket ia ka vlejtur.
