“Joshin të rinj të vetmuar”, eksperti: Grupet satanike kanë gjetur “parajsën” në Shqipëri

181

Brenda një periudhë njëvjeçare, në vendin tonë janë regjistruar të paktën tre raste vetëflijimi në rrethana të dyshimta. Rasti i parë që tronditi opinion ishte ai i familjes Josufi në Kombinat, së fundmi ndërroi jetë në rrethana misterioze një 23-vjeçare Evgjeni Baxho.

E reja u tha se ndërroi jetë pas një infeksioni në dhëmballë, por në trupin e saj ishin vizatuar disa simbole më ngjyrë të kuqe. Një rast tjetër është ai që Anilja Hoxha, tregoi në “Abc e Mëngjesit, 32-vjeçari Gerti S., që u gjet i pajetë në pyll, në pozicion lutjeje.

Këto raste, por edhe të tjera që ndoshta nuk kanë mundur të shfaqen në media, për Ervin Karamuçën ekspert i profilizimit kriminalistik janë pasoja të veprimtarisë së grupeve satanike në Shqipëri. Sipas tij, këto sekte apo grupime okulte kanë gjetur një parajsë në Shqipëri, pasi informacioni këtu është i pakët ndërsa edhe vetë ekspertët që duhet t’i hetojnë janë në shumicën e rasteve të painofrmuar.

Duke folur për rastin e Evgjenisë, ai shpjegon: “Jam i bindur që vajza i është nënshtruar një rituali të fshehtë. Alarm i madh është pasiviteti policisë. Në raste të tjera, kemi parë viktima që kanë agjëruar dhe janë vetëflijuar. Duhet të ngrejë alarm edhe për krimet e mëparshme. Kanë filluar ta praktikojnë në Shqipëri, se jemi të prapambetur, kanë terren të pakufishëm për të abuzuar me të rinjtë me fëmijët. Kanë penetruar persona të caktuar nëpërmjet këtyre sekteve për t’i bërë këto rite.”

Karamuça thotë se viktimat e këtyre grupeve satanike kanë sjellje të ngjashme dhe u bëri thirrje prindërve që të kenë kujdes me fëmijët nëse ndryshojnë sjellje.

“Ka një profilizim të viktimave. Tërheqja, ndryshimi i menysë së të ngrënit. Terma të pakuptueshëm në fjalor, ku flitet me simbole të caktuara. Djali nuk është vetëflijuar, është pjesë e një sakrifikimi. Kanë tendencë t’i bëjnë në vende të hapura. Djali nuk ka qenë vetëm.”

Eksperti thotë se në shënjestër të këtyre grupeve janë njerëz të rinj, pa mbështetje dhe me probleme ekonomike.

“Joshen shumë shpejt. Me një kurs anglishteje, me një celular. Këto grupe janë të pamëshirshme. Nuk të falin, nuk të lënë të dalësh nga rrethi i tyre. Deep ëeb, dhe dark ëeb, regjistrohen aty për të marrë informacione sesi të bëhen ritualet. Të huaj vijnë në Shqipëri dhe gjejnë një parajsë.”

Ervin Karamuça shpjegon se rrethi i këtyre personave apo grupeve janë të pamëshirshëm, nuk falin dhe për ata që pendohen ose duan të largohet, fundi është tragjik.

“Janë të pamëshirshërm. Nuk të falin, nuk të lënë të dalësh nga rrethi i tyre.”

Për të marrë informacione rreth ritualeve ata mund të jenë duke përdorur “deep web” dhe “dark web.”

Dhe, sipas Karamuçës grupet e hetimit në Shqipëri nuk kanë njerëz të specializuar që të futen në këto rrjete për të investiguar. Ai u bën thirrje autoriteteve që rasteve të dyshimta t’u shkohet deri në fund, ndoshta me ekipe të specializuara në mënyrë që këto fenomene të frenohen në kohë, përpara se shifrat të jenë akoma më të larta.