A duhet të vendosen masa për sezonin turistik? Flet epidemiologu Ilir Alimehmeti

275

Epidemiologu Ilir Alimehmeti thotë se me ardhjen e sezonit turistik është i nevojshëm respektimi i masave kundër virusit. I ftuar këtë të premte në “Abc-ja e mëngjesit”, epidemiologu theksoi se nuk janë të nevojshme kufizimet shtesë me shtetet e tjera vetëm në rastet kur kemi të bëjmë me një rritje eksponenciale të rasteve.

- PUBLICITET -

“Thjesht të respektojmë masat tona, turizmi veror do të thotë ambiente të hapura. Në nuk jemi në marsin e 2020-ës. Tani dimë më shumë, masat i dimë të gjithë, çdo shtet e di si të ruhesh dhe ta evitosh përhapjen, nuk bën sens me përjashtim nëse shtetet kanë rritje eksponenciale të rasteve por në përgjithësi mjafton ruajtja e masave, pra janë të gjitha elemente në favor.

Verën e kaluar ishim të hapur dhe kufirin me Kosovën. Ndërkohë Kosova ishte në majën e valës së saj dhe nuk u përkthye në asgjë në Shqipëri.”, tha epidemiologu. Ai komentoi gjithashtu dhe situatën e rëndë me të cilën po përballet India për shkak të virusit. Sipas tij, kushtet e ulëta higjieno-sanitare kanë ndikuar në valën e tme rrshme sesa vetë agresiviteti i variantit indian.

“Është një popullsi e madhe, kemi problemin e dytë pasi e ke të pamundur distancimin fizikisht në shumicën e zonave. Dhe një virus respirator patjetër që ky numër i madh njerëzish që janë në kontakt me njëri-tjetrin dhe nuk i kanë mundësitë e higjienës.”, theksoi ai.

- PUBLICITET -