Infermierja i vodhi paratë në spital, e moshuara vdes nga hidhërimi
Stresi dhe hidhërimi i madh që i shkaktoi veprimi i shëmtuar i një infermiereje, ka bërë që gjendja e një të moshuare në Itali të rëndohet deri në pikën që ajo ndërroi jetë.
Episodi tronditës ndodhi gjatë kohës kur gruaja ishte e shtruar në spitalin e Aquilas. Një infermiere e repartit Covid të këtij spitali i ka grabitur para e sende me vlerë, e duket se nuk ishte hera e parë që e bënte. 40-vjeçarja, e identifikuar vetëm si A.P, ka përfunduar në pranga për shkak se ka përfituar jo vetëm nga gjendja e të moshuarve të sëmurë nga patologji të rënda, por edhe nga fakti se për shkak të pandemisë, pacientëve nuk u lejohen vizitat e familjarëve.
