Sa për të qarë aq dhe për të qeshur! Salçiçja që fundosi pas 10 vitesh shqiptarin në Gjermani

Të vjedhësh një shtëpi është një punë mjaft e lodhshme kur e mendon, ndaj dhe është normale të të kapë oreksi.

Por është mirë që të shmangni çdo copë ushqimi që mund të ndodhet në skenën e ngjarjes pasi policia mund t’ju identifikojë nëpërmjet saj, edhe vite më vonë kur mendoni se i keni shpëtuar.

Media “Lad Bible”, shkruan se një person në Gjermani që është kapur thuajse një dekadë më vonë pasi grabiti një shtëpi, sepse konsumoi një copë salçiçeje.

Në vitin 2012, policia nisi hetimet në një shtëpi që ishte vjedhur në qytetin e Gevelsberg, të Gjermanisë, teksa grabitësi ishte zhdukur prej kohësh. Por ata arritën ta kapnin atë vetëm nëpërmjet një cope salçiçeje që dyshohej se ishte ngrënë nga ai dhe më pas ishte hedhur.

Një dekadë më vonë, nga një mostër e ADN-së që u mor nga fragmenti i salçiçes, u identifikua një 30-vjeçar shqiptar si personi që kishte kafshuar salçiçen gjatë grabitjes.

Ai ishte arrestuar edhe më parë dhe policia i kishte marrë një mostër të ADN-së që ishte futur në bazën e të dhënave ndërkombëtare.

Si rezultat, ata arritën të vërtetojnë që ADN-ja e gjetur në salçice përputhej me atë të mëparshmen, gjë që i lejoi ata të gjenin autorin e grabitjes që daton në Mars të 2012.

Sipas policisë, ADN-ja ishte marrë fillimisht nga ekipi mjeko-ligjor në Nordrhein-Westfalen, i cili tani ka rihapur çështjen e vjedhjes dhe duan ta ekstradojnë 30-vjeçarin shqiptar nga Franca në Gjermani, ku hetimi vazhdon.

Pra, ADN-ja është mjaft e dobishme në zgjidhjen e ngjarjeve te tilla, madje edhe ato historike.

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...