Kryeministri i vendit Edi Rama e ka nisur ditën me një rrëfim për qytetarët dhe përmes një editoriali ku u tregon atyre përse duhet t’i japin mandatin e tretë. Rama tha se ai dhe partia e tij kanë shumë për të bërë dhe duan të çojnë deri në fund sfidat e nisura përfshi atë të virusit.
“Mandatin e tretë s’do ta kërkoja, po do të kthehesha më në fund në shtëpi për të shlyer borxhet e mëdha që i kam familjes, e sidomos më të voglit nga ne të pestë, nëse nuk do të kishte ende plot gjyshër,
prindër e fëmijë që duhen futur të gjithë, në shtëpi e në lagje të reja; nëse nuk do të duhej fituar lufta me COVID-in dhe kryer vaksinimi i plotë i njerëzve të këtij vendi, nëse nuk do të duhej përmbyllur reformimi i shëndetësisë,
ku pasi është rimëkëmbur infrastruktura e spitaleve e riorganizuar sistemi shëndetësor, duhet përfunduar kjo rimëkëmbje, duhet pastruar organizmi i trupës së bluzave të bardha nga abuzuesit e nga batakçinjtë, që njollosin keq punën e mijëra heronjve;
nëse nuk do të duhej forcuar progresiviteti i taksimit në favor të atyre që fitojnë më pak, rritur më tej paga minimale dhe pagat në tërësi, tanimë që bazat e ekonomisë janë forcuar, zhvilluar më në fund infrastruktura portuale e aeroportuale, e cila nuk është më një ëndërr po një betejë e nisur konkretisht”, tha kryeministri.
Ndaj tij më pas ka reaguar kreu i opozitës, Lulzim Basha i cili hodhi poshtë të gjitha këto deklarata duke folur kundër Ramës.