Spitali i Infektivit ka pasur një dyndje personash ditën e sotme.
Kjo pasi familjarët janë paraqitur në ambientet e spitalit për ti dërguar të afërmëve të tyre ushqim dhe veshmbathje. Në videon e publikuar nga ‘Abcnews’ shihen familjarët që presin orarin e dorëzimit të ushqimit.
Bëhet me dije se numri i pacientëve me Covid te spitali ‘Covid1’ është shtuar dhe i tejmbushur pasi te ‘Shefqet Ndroqi’ nuk ka më kapacitet.
Shqipëria po përballet me shifra të larta infektimesh në javën e fundit. Vendi ynë ka kapur pikun e infektimeve të reja dy ditë më parë kur u shënuan 1168 raste të reja. Situata është e rëndë edhe me vikt.imat, ku për një javë, 80 persona kanë humbur jetën. Po ashtu, janë shtuar me 27% edhe shtrimet në spitale nga java e fundit e janarit në javën e parë të shkurtit.
Autoritetet pritet të njoftojnë një shtrëngim të masave, ndërsa qeveria deklaron se ka dyshime të forta se ka hyrje të varianteve të reja të COVID-it në Shqipëri, por asgjë nuk është provuar, për shkak të mungesës së ekzaminimit në vendin tonë të varianteve të reja.
/abc news/