“Si ja bën mor burrë i dheut që mban këtë…”, gazetari ‘vë në siklet’ Ramën, ja si ia ktheu ai

148

Kryeministri Edi Rama në një intervistë nga Saranda ka folur për vizitat e tij në qytetet e Shqipërisë, kohëve të fundit dhe si janë parë ato nga kundërshtari politik.

- PUBLICITET -

Më pas Rama u vu në siklet, kur gazetari e pyet se si ia bën që mban këtë ritëm.

Gazetari: Si ja bën mor burrë i dheut që mban këtë ritëm, kur pushon?

Edi Rama: Është diçka që në fakt është mënyra ime e të jetuarit të politikës, është mënyra ime për të qenë sa të mundëm në lartësinë e nderit të jashtëzakonshëm që më kanë bërë njerëzit duke më vënë në krye. Më motivon dhe energjizon pikërisht kjo sfidë. Për t’ia kthyer këtë nder.

Gazetari: Kur po vija po lexoja një kundërshtarin tuaj, i cili i quante turizëm elektoral?

Edi Rama: Unë zhvilloj këtë turizëm qysh se kur kam hyrë në zyrë. Kur isha në Bashki, turizimin e kisha edhe gjatë natës. Familja ime është pa mua. Unë nuk jam pranë Lindës, Zahos. Është si të thuash një sakrificë në marrëdhëniet me të rëndësishme që e bëj me kënaqësinë e të qenit i zgjedhur për të sjellë ndryshime në të mirë të shumë njerëzve.

Ai është pyetur se për çfarë do të donte që të mbahej mend.

Rama tha se do të kishte dëshirë që puna që ka bërë të ketë impakt mjaftueshëm të fortë.

“Besoj që shtysa kryesore, e imja për të rezistuar dhe për mos u dorëzuar dhe ik më varja fare se nuk duroj dot më. Këtu nga një anë strapacohem, nga ana tjetër dëgjoj marrëzi e përqeshje.

Puna e bërë gjatë kohës që unë merrem, të ketë impakt mjaftueshëm i fortë për të lënë një kujtim të mirë. Pastaj çfarë do të jetë fjalia e përgjithshme, apo specifike kjo është diçka që ja lëmë kohës. Ky është i vetmi motiv.

Nëse do kthehesha nga e para, nëse do e dija gjithë zhvillimin e gjërave shumë gjëra do bëheshin ndryshe dhe më mirë. Njeriu është i destinuar, kur punon gabon, dhe mëson nga gabimet.

Njeriu gjithmonë gabon, por mos përsërisë gabimet. Gabimet më kanë vlejtur. Për të bërë gabime të reja, por jo të vjetra”,- tha Rama.

- PUBLICITET -