Presidenti Ilir Meta ka reaguar në lidhje me deklaratën e Koordinatorit për Zgjerimin, Michael Gahler, i cili i bëri thirrje qeverisë shqiptare të mos kritikonte Bashkimin Evropian, por të fokusohej te plotësimi i kushteve për integrimin e vendit.
‘Në mesazhin e tij, Kreu i Shtetit thekson se mbi 99% e shqiptarëve mezi po e presin hapjen e negociatave dhe zgjedhjet e 25 prillit do t’i japin fund injorimit të kushteve.
E përshëndes vëmendjen e pandërprerë të Partive Popullore Europiane dhe thirrjet e përsëritura të miqve të sinqertë europianë, të cilët mezi presin çeljen e negociatave për Shqipërinë. I garantoj se mbi 99% e popullit shqiptar,
mezi e pret hapjen e negociatave dhe se zgjedhjet e 25 prillit 2021 do t’i japin fund injorimit të kushteve dhe plotësimit të standardeve për integrimin, duke e rivendosur vendin, plot energji të reja, drejt Bashkimit Europian.’-shkruan Meta.
