Kanë dalë pamjet e momentit kur Policia ka shoqëruar ish-gjyqtarin Alaudin Malaj, pas një konflikti që ai ka pasur në zonën e Liqenit Artificial, me djalin e tij.
Malaj ka qenë bashkë me njërin nga djemtë tek Liqeni Artificial dhe në debat e sipër për një automjet, janë kapur edhe fizikisht, ndërkohë që ish-gjyqtari është në proces divorci me bashkëshorten e tij.
Më 22 gusht, bashkëshortja e ish-gjyqtarit Edlira Malaj ka kërkuar në gjykatë urdhër të menjëhershëm mbrojtje. Siç shihet dhe në videon e mëposhtme,
Malaj ka tentuar që të bëjë rezistencë gjatë shoqërimit, ndërsa nuk kuptohet qartë roli i një personi të tretë që ka qenë i pranishëm dhe po ashtu është shoqëruar nga Policia.
Alaudin Malaj, është gjyqtari që bëri publik vendimin e dënimit në Itali të Geron Xhafajt, vëllait të ish-ministrit të Brendshëm, Famir Xhafaj dhe më pas u shkarkua nga Vetingu, ndërsa e ka konsideruar këtë një hakmarrje ndaj tij.