Një numër i konsiderueshëm turistësh janë organizuar në grupe të ndryshme duke zgjedhur këtë fundjavë që kaloi Lëpushën në Malësinë e Madhe për shkak të bukurive natyrore që ofron e aq më tepër edhe reshjeve të borës që ka zbardhur këtë fshat. Të gjithë me miqtë e tyre shijuan bukuritë e Lëpushës.
Ajo që kërkojnë vizitorët është edhe një vëmendje më e madhe sa i përket investimeve që nevojiten në Lëpushë për të thithur edhe më shumë turistë.
Fundjavat janë më të preferuarat nga vizitorët vendas apo edhe turistët e huaj edhe pse më të paktë në numër për shkak të pandemisë.
Në këto ditë ku Lëpusha është mbuluar nga bora numri i vizitorëve është shtuar ndjeshëm ndërsa ata që nuk kanë qenë asnjëherë dhe pëlqejnë zonat malore kanë një mundësi shumë të mirë për të përjetuar natyrën e një prej fshatrave më të bukur të alpeve shqiptare.
