Reporterja dhe kameramani në Shtet e Bashkuar kanë shpëtuar për mrekulli, pasi ura mbi të cilën ndodheshin është shembur gjatë transmetimit “live”.
Incidenti ndodhi në Alexander County të Karolinës së Veriut, teksa reporterja Amber Roberts e “FOX 46” po raportonte për përmbytjet në këtë zonë.
Gjatë transmetimit, ura është çarë më dysh ndërsa një pjesë ka rënë në lumë. Reporterja dëgjohet teksa bërtet e përfshirë nga paniku, ndërsa nga ana tjetër e urës shihet një burrë që largohet me vrap.
