Sipas moderatorit të emisionit “Zonë e Lirë”, Arian Çani, qëllimi i Presidentit Ilir Meta është që të bëhet kryetar i PS-së dhe më pas kryeministër i Shqipërisë.
Meta dhe Rama, të dy në SHBA për takime në Departamentin e Shtetit | Gazeta Dita
Sipas Çanit është e pamundur që një politikan i moshës së Metës të heqë dorë kaq shpejt nga politika.
E menjëhershme ishte përgjigja e kreut të shtetit, i cili tha se qëllimi parësor i tij është që t’ua kthejë Shqipërinë shqiptarëve.
Arian Çani: Zoti Meta më fal, me gjithë respektin për postin e Presidentit që unë jam i pari që do t’ju respektoj dhe t’ju lë të flisni sa të doni. Pyetja ime është e thjeshtë, pse nuk i thoni shqiptarëve të vërtetën, meqë keni hapur gjërat në tavolinë, dhe kjo gjë më pëlqen.
Ilir Meta: Përderisa ka dalë hapur, do të vjedhë zgjedhjet, unë jam pakicë do i vjedh, ka mbaruar filmi.
Arian Çani: Një gjë pse nuk ia thua?
Ilir Meta: Po?
Arian Çani: Pse nuk tregon qëllimin e vërtetë tëndin Ilir Meta?
Ilir Meta: Kush është qëllimi?
Arian Çani: Që një ditë të marrësh PS-në dhe të bëhesh kryeministër i Shqipërisë. Pse nuk e tregon këtë gjë? Pse? Sepse unë kam një bindje prej vitesh që në fakt.
Ilir Meta: Ti po thua që unë të bëj gjithë këto marrëzira që të marr PS-në? Atje e kisha, ma solli ai tjetri, më bëj qeverinë, ma sill mua. Shqipëria në Europë, kjo më duhet mua. PS-në, LSI-në, unë e kam parë si një instrument për këtë gjë.
Arian Çani: Është e pamundur për një lider politik fiks si ju që tashmë të jeni president që të më thoni në moshën , nuk i keni bërë ende 52 vjeç që unë kaq e kisha, jam President deri në 2021-shit, ëndrra ime është Europa dhe nuk dua t’ia di më. Personi Ilir Meta është ambicioz. Cila është e ardhmja juaj.
