Një foto e Eranda Libohovës me Ema Qazimin, na bëri të kuptonim sa shumë na ka munguar Ema, me zërin, stilin dhe personalitetin e saj. Komente pafund që falënderonin Erandën për këtë ‘ritakim’ me Emën, treguan se ajo i ka munguar vërtet shumë publikut.
Një nga këngëtaret më të njohura të muzikës së lehtë shqiptare, Ema ka qenë një ndër ikonat e festivale, me një zë dhe stil unik që ka ditur gjithmonë si ta bëjë për vete publikun dhe për këtë arsye mungesa e saj ka krijuar nostalgji.
Përveç individualitetit artistik, Ema ka qenë një ndër figurat pikë-referimi për stilin e të veshurit dhe look-un e saj, pasi gjente mënyrat për të qenë ndryshe, edhe në një kohë ku nuk kishte shumë alternativa.
Në foton që Eranda ka postuar me të, ajo duket shumë e bukur, në formë dhe me origjinalitetin e saj të veçantë.
