Dita e sotme do të karakterizohet nga mot pa reshje në të gjitha qarqet.
Sipas Shërbimit Metereologjik, temperaturat do të pësojnë rritje, duke prekur vlera 36-37ºC.
Ndjesia e zagushisë do të forcohet akoma dhe më shumë për shkak të grimcave të pluhurit dhe rërës që do të ketë në ajër për shkak të masave ajrore me origjinë nga Afrika e Veriut (më konkretisht Shkretëtira e Sahara-së).
Sa i përket erës ajo do të fryjë me drejtim juglindje – jugperëndim dhe shpejtësi 1-10m/s.
