Këngëtarja, Hersi Matmuja ka rrëfyer një episod në të cilin është bërë me nerva, teksa merrte propozimin nga bashkëshorti i saj italian. E ftuar në emisionin “Rreze Dielli”, këngëtarja ka treguar se me partnerin e saj, Jakopo janë takuar në një produksion teatral në Lecce.
Ndër të tjera ajo është ndalur dhe tek dita e propozimit, në të cilën ishte gati të rrihte një luleshitës, që ndërhyri në momentin më të bukur, teksa partneri italian po bënte propozimin e shumëpritur.
“Kur Jakopo po më propozonte, desh e rraha njërin. Ishte nga ata që shesin lule. Ai ishte një moment intim, njeriu duhet ta kuptojë. Kurse unazën e zgjodha vetë. Më tha hajde shkojmë e zgjedhim. Qëndrova te klasikja, te rrethi…”,- u shpreh këngëtarja Hersi Matmuja për emisionin “Rreze Dielli”.