Dy të rinjtë që i ndërprenë fjalën kryeministrit Edi Rama gjatë ceremonisë së diplomimit së studentëve të Mjekësisë janë shoqëruar për në Komisariatin numër 1 në kryeqytet.
Sipas Lëvizjes për Universitetin, nga Policia janë shoqëruar dy aktivistët Enriko Peçuli dhe Emiljando Kita, të cilët janë nxjerrë me forcë nga salla nga truprojat e kreut të qeverisë.
“ Aktivistët Enriko Peçuli dhe Emiljando Kita janë nxjerrë jashtë nga truprojat e Edi Ramës dhe mbahen të mbyllur në qelitë e komisaritatit nr. 1. U bëjmë thirrje të gjithë aktivistëve të bashkohen për të kërkuar lirimin e menjëhershëm të tyre,”-shkruhet ndër të tjera.
POSTIMI
Incidenti me Ramën ndodhi në ceremoninë e diplomimit të studentëve të Mjekësisë. Teksa kreu i qeverisë po fliste lidhur me kushtet e reja ku po punojnë ‘bluzat e bardha”, një nga të pranishmit në sallë ka ngritur zërin duke i thënë Ramës së në Shqipëri diplomohen vetëm të pasurit.
(k.m/dosja.al)
