Elvis Naçi jep lajmin e mirë për 5 mijë fëmijë jetimë

166

Drejtuesi i emisionit “Shqiptarët për Shqiptarët”, imami Elvis Naçi bën të ditur lajmin se 5 mijë fëmijë jetimë do të marrin trajtim shëndetësor falas në spitalin Continental.

PUBLICITET

 

Sipas tij marrëveshja është nënshkruar me Shoqatën Kombëtare të Jetimëve.

 

Kjo shoqatë ka të regjistruar 12 mijë familje me fëmijë jetimë, ndërsa një pjesë e tyre tanimë do të kenë një spital ku do të drejtohen për të marrë shërbime pa pasur nevojë të paguajnë.

 

Postimi i plotë i Naçit:

Të nderuar motra dhe vëllezër shqiptarë ja arritëm kësaj ditë të madhe.

 

5 mijë jetimë, do të marrin trajtim shëndetësor falas në Spitalin Continental, si edhe ndihma ushqimore se bashku me artikujt shkollore në çdo fillim viti për të marrë një arsimim sa më cilësor.

 

Për këtë u nënshkrua kontrata me Shoqatën Kombëtare të Jetimëve e cila ka të regjistruar 12 mijë familje me fëmijë jetimë.

 

Falënderojmë pa fund çdo shqiptar dhe shqiptare që me lekun e pastër dhe të punës me djersë, na e bëri të mundur këtë arritje të madhe.

PUBLICITET