Gazetari i kronikës së zezë, Artan Hoxha, ka reaguar me një tjetër status pas atentatit ndaj prokurorit Arjan Ndoja.
Atentati ndodhi pasditen e djeshme tek mbikalimi i Shkozetit në Durrës, ku mbetën të plagosur tre persona, mes tyre edhe vetë prokurori.
Këtë radhë Hoxha ka shigjetuar Ramën dhe deklaratën e tij të bujshme pak kohë më parë ku shprehej saktësisht me fjalët: Hënkshin kokat e tyre!
Në një reagim në rrjetet sociale, Hoxha paralajmëron se pasi ata të hanë kokat e njëri-tjetrit, “trimave” u hapet oreksi dhe duan të hanë gjithnjë e më shumë një “kokë” më të madhe se e para.
Ai shkruan:
Sipas standardit te Kryeministrit: “Hengshin kokat e njeri-tjetrit”…situata nuk duket aspak per tu shqetesuar… Por pasi hane kokat e njeri-tjetrit, “trimave” u hapet oreksi dhe duan te hane gjithnje e me shume nje “koke” me te madhe se e para… Ne koken tuaj “trima” dhe beni kujdes me “kokat e medha”…”