Tirana mposht Vllazninë, fitore në ndeshjen e tensionuar

204

Tirana ka marre nje trepikesh me shume vlere ne Shkoder ndaj Vllaznise duke rritur pozitat e veta por “duke zbritur me kembe ne toke” shkodranet qe e kishin nisur me shume entuziasem kampionatin.

Bardheblute kane fituar me rezultatin 2-0 fale dy golave te shenuar brenda dy minutave nga Halili e Ngoo.

Pjesa e parë është mbyllur në barazim 0-0 dhe ka qenë një 45 minutësh kryesisht i kontrolluar nga vendasit, megjithatë edhe bardheblutë kanë patur dy momente të mira.

E dyta krejt ndryshe. Dy gabime të mbrojtjes shkodrane do t’i kushtonin rëndë dhe brenda dy minutave ajo do të ndëshkohej dy herë. Fillimisht në minutën e 58-të ka qenë Gurishta që gabon dhe ka përfituar Halili që shënon golin e parë.

Një minutë më vonë, Kale i shmanget gjithë mbrojtjes, kroson për Ngoo që me kokë e dërgoi sërish topin në rrjetë.Duket se në kampin shkodran askush se kupton çfarë po ndodh. Gjithçka kanë prishur me duart e veta në dy momente shpërqendrimi.

Vllaznia mundohet të reagojë dhe trajneri Jonuz kryen dy zëvendësime duke futur në lojë Ramadanin dhe Markun për brazilianët Hygor dhe Emerson.

Loja e saj përmirësohet disi megjithatë i mungojnë rastet, ndonese me pas ne loje eshte edhe sulmeusi brazilian Wenderson. Megjithate asgje nuk do te ndryshoje dhe gjithcka do te mbyllej me fitoren e miqve 2-0.

VLLAZNIA- TIRANA 0-2

Shenues: Halili 58′, Ngoo ’59

Vllaznia: Sherri, Malota, Shehi, Shtubina, Gurishta, Krymi, Hygor (Ramadani), Kruja, Emerson (Marku), Lika, Zogaj.Trajner: M. Jonuz

Tirana: Lika, Doka, Osmani, Imami, Hoxhallari, Batha, Çelhaka, Hasani, Kale, Halili, Ngo. Trajner: A. Mema

Gjyqtar: Enea Jorgji