Deputetja demokrate Rudina Hajdari në një shkrim në rrjetet sociale ka ironizuar zërat e politikanë në Partinë Demokratike, të cilët flasin pozitivisht për deputetin Ditmir Bushati, duke vlerësuar mendimin e tij ndryshe në Partinë Socialiste.
Hajdari shkruan me ironi se gjatë kohës kur ishte pjesë e Partisë Demokratike, në selinë blu, nuk lanë gjë pa e sharë dhe pa e aku zuar, kur vendosi që të mos djegë mandatin. Madje deputetja e djathtë ngre edhe pyetje se mos vallë Partia Demokratike ka blerë Ditmir Bushatin.
“Ata që nuk lanë gjë pa më sharë e akuzuar mua, kur vendosa të mos djeg mandatin, tani ju ra goja duke thënë se sa e vlersojnë Bushatin, si një zë ndryshe brenda Partisë Socialiste. Vr as mendjen mos e ka blerë gjë Partia Demokratike”, shkruan Hajdari.
Kujtojmë se ish ministri i Jashtëm Ditmir Bushati është kthyer në një nga zërat më kritikë në Partinë Socialiste, duke dalë hapur edhe kundër kryeministrit Edi Rama.
