Nga Alfred Peza/
RETROSPEKTIVE/ 43
Është shkrepur 122 vjet më parë dhe është një ndër fotot më unike të koleksionit të jashtëzakonshëm të Muzeut “Marubi” në Shkodër.
Puna e Mjeshtrit Pietro Marubi, ka në fokus dy burra nga kryeqendra e veriut.
Zef Çeka dhe Simon Deda pozojnë me biçikletat e tyre në një periudhë kur ndoshta mundësitë e pedalimit ishin shumë të kufizuara nga mungesa e një rrjeti rrugor.
Shkodranët janë shquar për dashurinë e tyre të veçantë për biçikletat. Është kjo edhe arsyeja pse gara e parë çiklistike në Shqipëri, dhe e treta në Europë pas Francës dhe Italisë, u mbajt në Shkodër.
Kjo traditë vazhdon të ruhet e të përcillet ndë breza, derisa vitet e fundit po rikthehet masivisht në Tiranë dhe qytete të tjera të Shqipërisë.
