Që prej ditës kur lidhja e tyre u zbulua nga mediat, Klea dhe Elgiti u kthyen në një nga çiftet më të pëlqyera të publikut dhe më të komentuar. Në një intervistë për “Jo vetëm modë” ditën e sotme, Klea dhe Elgiti folën edhe për planet për dasmë.
“Ne qejf e kemi, por nuk kemi plane. As vitin tjetër nuk do të bëhet. Unë kam dëshirë që ne të martohemi në datën që jemi lidhur”, u shpreh Klea.
Kur Orinda i pyeti se kur është data, Klea i tha se Elgiti nuk i mban mend kurrë datat.
Klea dhe Elgiti u njohën gjatë realizimit të këngës “Amla”, kënga që u identifikua si e Elgitit për Klean. Takimet në studio për shkak të këngës, bënë që Klea dhe Elgiti të njiheshin me njëri-tjetrin.
