Një nga lojërat që “Rudina” praktikoi me vëllezërit Prifti në emision ishte t’i dedikonin disa emoji fotografive të vipave që do të shfaqeshin në ekran.
Në momentin që shfaqet fotografia e Flori Mumajesit vëllezërit korçar kanë zgjedhur emojin me maska dhe më tej kanë shpjeguar dhe arsyen e zgjedhjes së tyre.
Më tej ata shprehen:
“Kemi pasur një marrëdhënie të mirë me Flori Mumajesin, por pas një diçkaje shumë të vogël nuk jemi më shumë të afërt por ne kemi respekt për të dhe ai për ne. I urojmë suksese dhe shëndet të ketë.”
Le të kujtojmë se përplasja midis tyre filloi tek “Kënga Magjike” ku Endri dhe Stefi komentuan këngën e Brunos dhe Artiola Toskës si të papërshtatshme për festivalin dhe madje e cilësuan si të vjedhur.
