Boksi shkodran në këto 28 vite ka dhuruar shumë kampionë të mëdhenj të cilët padyshim që kanë lartësuar emrin e Vllaznisë dhe të kombëtares shqiptare në aktivitetet ku ato kanë konkurruar.
Interesant është fakti se dy prej këtyre kampionëve janë takuar me njëri- tjetrin pas plot 8 vitesh. Bëhet fjalë për kampionët Kristian Demaj dhe Marsel Sermi. Dhe ajo çka është më e bukura, këta dy kampionë nuk janë takuar në Shkodër por në…Francë.
Në këtë vend jeton prej vitesh Sermi ndërkohë që Demaj është duke jetuar tashmë në Gjermani. Emigracioni i ka larguar ato nga Shkodra e Shqipëria, por kurrsesi kjo nuk mund të fshehë shoqërinë dhe miqësinë që ato vazhdojnë të kenë me njëri- tjetrin.
Madje, Demaj me një status të publikuar në faqen e tij në facebook përveçse flet për këtë takim të parë pas plot 8 vitesh, flet edhe për diçka tjetër. “Pas 8 vitesh takim kampionash. Plane për të ardhmen”- shkruan ai.
