Muaj më parë pati një bujë të madhe në rrjetet sociale “sherri” mes Anxhelina Hadërgjonajt, vajzës së këngëtares Albërije Hadërgjonaj dhe kushërirës se saj, vajzës së tezes, Beatrix Ramosaj.
Asokohe u shkrua se ato nuk e ndiqnin më njëra-tjetrën në Instagram dhe se filluan të hiqnin postimet ku shfaqeshin krah njëra-tjetrës. Mirëpo, a ishte “make up artist”-i me famë botërore Ariel Tejada “molla e sherrit” mes tyre?
E ftuar në “E Diell”, në Top Channel Albërija sqaroi me detaje të vërtetën e asaj ngjarjeje.
“Fëmijët e motrës sime i dua shumë. Ndonjëherë bëjnë zënka për gjëra të vogla, pastaj e heqin njëra-tjetrën nga Instagrami, portalet fillojnë të bëjnë lajmet dhe kështu me radhë”, rrëfeu ajo.
Mirëpo, si po shkojnë aktualisht punët mes familjes Hadërgjonaj dhe asaj Ramosaj? A kanë më inate mes tyre apo jo?
“Këto ditë që jam në Shqipëri po jetoj te shtëpia e motrës sime, a nuk bien poshtë këto që po thoni ju? Shkojmë shumë mirë me njëra–tjetrën, nuk ka asgjë për t`u shqetësuar”, tha duke qeshur Albërija, duke sqaruar kësisoj njëherë e mirë “zënkën” e famshme që pushtoi muaj me radhë portalet shqiptare.
