Pasditen e së shtunës në ambientet e Selisë Blu u mblodh nga kryedemokrati Lulzim Basha Kolegji i Kryetarëve, për të vendosur për protestat dhe aksionin opozitar në vazhdim.
Mësohet se pas diskutime, është vendosur që protesta e rradhës të mbahet më datë 13 prill.
Ndërkohë ende nuk dihet nëse kryetari Basha ka hedhur për diskutim gjithashtu ftesën e kryeministrit Rama ditën e sotme, apo nuk e ka marrë fare në konsideratë.
Kujtojmë se kryeministri Rama i ka bërë një ftesë të hapur opozitës ditën e sotme, duke thënë se se është i gatshëm të shkojë në zgjedhje të parakohshme nëse opozita do të fitojë qoftë edhe një bashki më tepër se mazhoranca në zgjedhjet e 30 qershorit.