Të kesh një motër është sikur të kesh një shoqe për gjithë jetën. Përveç pjesës së grindjeve me të, ajo do të të qëndrojë në krah gjithë kohës. Duke u rritur e kupton se ajo është mbështetja jote më e madhe dhe personi më i besuar që ke.
Studiuesit në Universitetin “De Montfort” dhe Universitetin “Ulster” në Angli kanë dalë më përfundimin se ata që kanë motra janë më të lumtur dhe më optimistë për jetën se sa të tjerët.
Sondazhi u krye me 571 njerëz duke bërë 17-25 pyetje të ndryshme rreth shëndetit të tyre mendor dhe opinionit të përgjithshëm mbi jetën. Ata që kishin motra dolën në fund si persona me një nivel më të lartë lumturie dhe me gjendje emocionale të qëndrueshme.
Motrat inkurajojnë njëra-tjetrën që të jenë më të hapura dhe komunikuese për ndjenjat e tyre.
Ky nuk është studimi i vetëm në lidhje me këtë çështje. Universiteti Brigham Young në Provo, Utah, ka bërë diçka të ngjashme duke marrë në studim 395 familje me më shumë se një fëmijë. Dhe, studimi doli në këtë konkluzion: “Një motër ju bën një person më të mirë”.
Pra, për ju që e keni një motër kemi një lajm të mirë: Ajo është arsyeja që ti je një person aq i lumtur, dhe i sjellshëm. Gjëja kryesore që duhet të mbani mend është: kënaquni me këte marrëdhënie, sepse disa njerëz nuk e dinë se çdo të thotë të kesh motër. Jepini dhe një përqafim të ngrohtë sapo ta përfundoni së lexuari këtë artikull.
