Autoriteti Rrugor Shqiptar njofton se të gjitha rrugët kryesore të vendit janë të hapura dhe qarkullimi kryhet normalisht.
Sipas ARRSH kompanitë e mirëmbajtjes janë në gatishmëri dhe po punojnë për pastrimin dhe zgjerimin e rrugëve, si dhe shpërndarjen e kripës në segmentet ku ka pasur prezencë ngricash.
Në rajonin Jugor qarkullimi bëhet me zinxhir vetëm në aksin Boboshticë-Dardhë, në 2 km e fundit, për shkak të ngricave dhe për veçoritë që ka rruga.
Në Rajonin Verior qarkullimi bëhet me zinxhir vetëm në Zalldardhe-Reç-Draj Reç, Kryqëzim Domaj-Draj Reç dhe Ura e Cerenecit-Steblevë, 20 km e fundit të aksit.
