Një video e filmuar në Poloni dhe e publikuar ditët e fundit, ka alarmuar të gjitha vendet e Europës të cilat furnizohen me mish lope nga Polonia. Alarmi ka mbërritur edhe në Shqipëri pasi një sasi mishi polak tregtohet edhe në vendin tonë.
Në video shfaqen lopët e sëmura, të shtrira gati për të ngordhur. Ato transportohen në thertore dhe më pas dalin në treg pa asnjë inspektim apo vulë veterinare.
Video u publikua në kanalin e lajmeve “TVN24” në Poloni pasi gazetarët e një programi televiziv hetues polak, infiltroi një prej gazetarëve në thertore për rreth tre javë.
Polonia është një nga eksportueset më të mëdha të mishit në shumë vende të Europës, gjithashtu edhe në Ballkan ku përfshihet edhe Shqipëria.
Autoritetet e vendit tonë duhet të marrin masa për të kontrolluar importet e mishit, pasi në mënyrë absolute nuk duhet lejuar lejuar hyrja e produkteve të infektuara.