Sigurisht që aty ku ka nevojë për shumë ndihmë, duhet vërtet prania e Babagjyshit!
Por këtë radhë nuk ka ardhur një, por plot 20 mijë mjekra të bardha me kapuçë dhe kostume të kuqe janë mbledhur para spitalit për eventin e përvitshëm të Babagjyshërve të Vitit të Ri.
Kjo bamirësi është organizuar nga “Forma Onlus” për fëmijët e spitalit “Regina Margherita” në Torino, për të grumbulluar 500 mijë euro për financimin e përmirësimit të procedurës së rezonancës magnetike të spitalit.
“Jemi veshur kështu për t’i sjellë buzëqeshjen këtyre fëmijëve, edhe pse heronjtë janë vet ata!”-shprehet një prej vullnetarëve. Ndërkohë, kryetarja e bashkisë së qytetit të Torinos, Chiara Appedino tha se kjo iniciativë tregon se ky është një qytet i bashkuar.
